Yakini sio fununu, hukumu imetolewa
Kwa wengi leo ni tunu, wengine kilio dawa
Ametangazwa , na majaji wote sawa
Ndiye Rais mteule , Samoe Arap Ruto
Haya nayasema wazi, ametangazwa mshindi
Yeye bingwa tumaizi, amenyakua ushindi
Kweli wa wake ujuzi, amepokea ushindi
Ndiye rais mteule, Samoe Arap Ruto
Huyu bwana na maono, Kenya yetu itasonga
Hana kweli majivuno, hakika anapolonga
Hima tumunge mkono, Kenya mbele ikasonga
Ndiye rais mteule, Samoe Arap Ruto
Mke wake muombezi, ndiye mama wa taifa
Magotini yake kazi, hima ina nyingi sifa
Hivyo kazi si tatizi, pamoja nazo nyadhifa
Ndiye rais mteule, Samoe Arap Ruto
Twampongeza yakini, taifa kimpokeza
Fanya kazi tubaini, ahadi ulotujuza
Kwa umoja wa mizani, sote Kenya katukuza
Ndiye rais mteule, Samoe Arap Ruto
Wanjohi. P. Mugambi
Malenga Kitunguu Machoni
Nairobi Kenya
