The Mt Kenya Times 
Zimepita siku nyingi, hili niliseme wazi
Hakika ni muda mwingi, naliamba waziwazi
Umepita mambo mingi, kufika kwa hini ngazi
Nakupongeza Kimani, siku yako kuhafali
Umepigana na kazi, ulipoingia chuo
Ukasikiza walezi, ufikie chako cheo
Leo wavaa mavazi, chako chetu nacho chao
Nakupongeza Kimani, siku yako kuhafali
Nikuonapo nakiri, naona binti mahiri
Aliyeionja shari, kugeuza kuwa shwari
Leo twaiona heri, hongera kweli nakiri
Nakupongeza Kimani, siku yako kuhafali
Ni mengi umeyaona, ukitimiza maono
Ila yote ni bayana, yako wewe mapambano
Hivyo hongera nasema, zifike kokote kuno
Ninakupongeza Kimani, siku yako kuhafali
Nionapo nafurahi, bila kinyongo moyoni
Kwayo yako nimewahi, kukushika mkononi
Nawe wani umewahi, leo sote furahini
Ninakupongeza Kimani, siku yako kuhafali
Imejia siku yako, ukaweza kuhafali
Ujawe nazo chereko, kwayo uliyokabili
Na wazazi furahiko, kwa mengi mema kikweli
Ninakupongeza Kimani, siku yako kuhafali
Nitazidi kukusifu, wasikie duniani
Kwani sitokukashifu, huna ovu hata wani
Nitaandika wasifu, wakujue abadani
Ninakupongeza Kimani, siku yako kuhafali
Zidi na uzidi sana, ufikie kileleni
Shahada nyingine tena, ujipatie yakini
Na usipotoke mwana, mazuri uzidisheni
Ninakupongeza Kimani, siku yako kuhafali
Lililo zuri shairi, kiujuzi namaliza
Wakutambue mahari, mwendo umemaliza
Ila ukajue mwari, ndo mwanzo unaangaza
Ninakupongeza Kimani, siku yako kuhafali
Wanjohi. P. Mugambi
Malenga Kitunguu Machoni
Similar Posts by The Mt Kenya Times:
- When the ballot box becomes the Kenyan voter’s most expensive amnesia
- England edge Croatia in five-goal thriller at World Cup
- Ghana coach Queiroz faces Partey visa drama ahead of World Cup opener
- Leopards snatch late point against Portuguese giants
- Africa reels from energy shocks, Ebola fears and growth slowdown as Middle East conflict ripples across continent
About the Author
