Moyo wangu ni hafifu, haya ninapoyanena
Una mengi masumbufu, jinsi yalivyo bayana
Unatariki mapafu, kiyawaza kwa mapana
Wawaza mambo ya penzi, penzi lilousaliti
Ulipendwa kiukweli, kama hungependa tena
Ungafunguka asali, ikawa ndo mlo sana
Ila umeonja ukali, nayo makali wavuna
Wawaza mambo ya penzi, penzi lilousaliti
Ni mnyonge huu moyo, yakini nguvu hauna
Na yote uyawazayo, majibu yake hauna
Kwa penzi lenye uchoyo, wavunja damu kwa kina
Wawaza mambo ya penzi, penzi lilousaliti
Unatamani ya wafu, duniani waso nena
Kwani heri kuwa mfu, ya duniani mepona
Kuliko ya ubarafu, penzini unaovuna
Wawaza mambo ya penzi, penzi liloisaliti
Mtima unasumbuka, kwa marefu na mapana
Unatamani hakika, na dunia kuachana
Uchunguni ukatoka, tulio lenye maana
Wawaza mambo ya penzi, penzi lilousaliti
Wanjohi. P. Mugambi
Malenga Kitunguu Machoni
Nairobi Kenya
Similar Posts by Mt Kenya Times:
- The republic belongs to us: why active citizenship is Kenya’s only antidote to impunity and broken governance
- Optiven CEO George Wachiuri launches mentorship programme cohort
- Ruto pushes Coast transformation with land, development drive
- KTDA celebrates farmers on International Tea Day
- Eng Wangai Ndirangu pushes for Nyeri leather industry